(282) مشاهدة
اتحسدنا ولا ايه
كل يوم كل يوم هجر وقاسية
ياحبيبي قوللي ليه ؟؟
بسألك فكر شوية اتحسدنا ولا إيه !!
كنا في دنيا الهوى أجمل أحبة
كل يوم في قلوبنا بتزيد المحبة
كان كلامي حلو عندك لو شكيت منك إليك
تسمعه وتزيد في ودك النهارده تقيل عليك
باسألك فكر شوية اتحسدنا ولا إيه !!
كنت لما بابعت جواب أكتب كتير
بعدما أقراه ألف مرة أقول له طير
النهاردة الشهر فات لسه ماكتبت جوابك
والحنين للذكريات انطفى ونسيت غيابك
باسألك فكر شوية اتحسدنا ولا إيه !!
كنت باستحمل قسوتك مهما تقسى
عمري مافكرت إنك يوم بتنسى
لما اقابلك كنت أحايلك وأبقى مش عايزاك تفوتني
النهاردة مش ح قولك لما تنسـى ليه نســيتني
بسألك فكر شوية اتحسدنا ولا إيه !!